يا رفا ذا رجايا

بسم الله الرحمن الرحيم



السلام عليكم ورحمة الله وبركاته


كتبت هذه القصيده في فترة ما قبل الفراق مع رفا ،،
فكانت ابيات القصيده اقرب ما يكون الى العتاب و ذلك عن طريق تغزلي بها رغم صدها عني و تذكيرها عما كنا نفعله ليثير الشوق قلبها فلا تفارقني ..


يا رفا ذا رجايا


والله نفسي اتصل بك واسمع
صوتك يجاوب " يا هلا من معايا ؟؟ "
واقول : أنا منهو خفوقه تلوَع
منهو يجازي بالوفا للنهايه
منهو يحارب كل ظنونه ويصرَع
منهو رضا منك الجفا والخطايا
سبحان من زين حلاها وابدع
عذرى لها حسنٍ ذهَل المرايا !!
من ثغرها الخمر يقطِر وينبَع
وعيونها شمسٍ تضوِي المِسايا
لا شفتها تشرق بعيني وتطلع
اقول : ذا حالي وهي بالعبايه !!!!
الشعر شلالٍ و وردٍ تفرَع
والنحر ملهوفٍ بلمس الشفايا
من حِسنها والله محمَد تولَع
حسيت بمحمَد وهو حس شقايا
وشلون اهواها وهي عنِي تمنَع
وصالها ؟؟ وشلون ترضى بسوايا ؟؟
محال أنا ارضى بسواها واقنع
مهما جرالي منها هي مُنايا
كل ما اتصل فيني أحد عيني تدمَع
واتذكر إليالي هناها و هنايا
كنت اتِصل بالليل والعين تطمَع
منها القُبل ،، تبوس وتسأل كفايه ؟؟
سهرت لك ليلي محمَد ادلِع
وترُد " لا ما يكفي هذي البدايه " !!!!
سمعتي عن حيٍ من انفاسه يشبع
يامن تجافيني وتقوي جفايا
لاني بمعرض عن قِدَرنا و مُجزع
راضي ولكن ،، يا رفا ذا رجايا
ليت القدر يجمعنا ثاني و نرجع
واهنى بعمري كِلَه وانتي معايا


وسلامتكم


بدموع قلم


محمد بوقري

مياس
اسعدني كثيرا مرورك و ردك مقبول(ن) و مرحب(ن) فيه دوما .


ام جواد
الله يحميك و يسلمك و يجزاك خير على دعواك الطيبه و المجابه بإذن ربي .


روما

لك الشكر مني على المرور العطر و الرد الشاذي

محمد بوقري