لا واعذاب العين ما نامـت العيـن***العين صارلهـا عـن النـوم مـده
صرنا يا ابوتركي جنـودٍ مساكيـن***دايـم مـن الذلـه وهـي مستعـده
ان ما استلمت الباب عند المساجين***هات السجيـن وخـذ كلبشـه ووده
لا حاصلٍ راحـه ولا راتـبٍ زيـن***يا ليت قسط البنـك نقـدر نسـده
خدمة ولا تسوى التعب والدياييـن***لـو سلمونـي راتبـي لا تـعـده
ما زاد عن حمـاد يحتاشـه الديـن***راحت خسـاره خدمتـي والمكـدة
والعسكري مسكين وان غاب مسكين***والي مثـل حالـي ظروفـه تحـده
ان قلت ابي رخصه يقولون بعديـن***واشتال معروضـي بجيبـي وارده
عريفنا ما يفيـد لـو انـه زويـن***والاجودي يـا ليـت نفعـه يسـده
وانا على هالحال ما اعيش شهرين***حمـاد مـا بينـي وبينـه مــوده
وضع العمل يا صاحبي مزري وشين***ولا عاد لي عن جاهك اليوم صـده
انته من رجالٍ على الطيب ناشيـن***الي لهم فـي مـدت الطيـب مـده
ما هي خساره تاج مع نجمه يميـن***سعـود كانـه علـق التـاج قـده
شف لي طريقه معك ليوم الاثنيـن***امـا تفـك الـبـاب والا تـسـده
¨*--|تبكي المرأه!! فتتحطم القلوب|--*¨
الخميس نوفمبر 02, 2017 6:32 am من طرف 
