ياشين فرقاء الذي تغليه وتوده

ياشين فرقاء الذي تغليه وتوده




ياطول صبري عليه ومطول المده
والنفس مابين مأمـوره ومنهيـه



الحب والشوق والضيقات والصده
حطت على وجهي المقبول ماريه


احدٍ زهاله سواد الخال في خـده
واحدٍ بقلبه من هموم الدهر كيـه


يقفي به الشك صوب اللوم ويرده
واذا رجع مالقى الا رسم آثاريـه


وتزيد به ضيقت العشاق وتهـده
ويبكي على حاجةٍ ماهي بمبكيـه


يزل.... وقول يمكن ..ماهو بوده
غلطه ويمكن على ماقيل عفويـه


حتى ولو قالها قاصد ومن جـده
يشفع لحاضر غرامه زين ماضيه


اعشقه وأشتاقلـه وهـواه و أوده
ومن الغلا نسبة المليـون فالميـه


الد عيني لاكن ماهي بمـن لـده
هو اول الحب في عينـي وتاليـه


وغر قلبي على النسيـان وآحـده
لاشك عيا مـن النسيـان موليـه


عزي لحالٍ على فرقاه من حـده
وعزي لقلبٍ الا من حل طاريـه


يتوق توق الوحش في كف من هد
لا طار مالد عينه صوب راعيـه


ياشين فرقا الذي تغليـه وتـوده
لاصار حيٍ ولا تقدر على جيـه


ياجعل ربي يصبرني على الشـده
ليـن مايجتمـع غالـي وغاليـه


لو طال صبري عليه وطالت المده
ياحي شوفه قبل لا موت ياحيـه

الله يحيك ياخوي ياالمبجل وتسلم عالذوق الرائع ولا تحرمنا من جديدك

سلمت يمناك

يعطيك العافيه

يعطيك عافيه