يطيح جفن الليل واهزكتفه

يطيح جفن الليل واهز كتفه يفز نجم وباقي الليل مطفي , واحاكي الجدران عن مثل غرفه .. ماتشبه الجدران ويطول وصفي , وتملني الجدران واظهر لشرفه.. تحت السما واسكر الباب خلفي , ريح تهب وتسكن العظم رجفه .... وتموت ريح وتسكن اوراق نزفي, على الروابي تهطل دموع وطفه .. وتصب لمع بروقها وسط طرفي , ياطاري الغدران والعمر رشفه.. مع قلها ياليتها يوم تصفى, ياليت الشوارع تجمع اثنين صدفه .. لا صار شباك المواعيد مجفي ، الحب واجد مير الاقدار صلفه .. والأرض واجد لكن الحلم منفى/ واللي اعرفه راح ماعاد اعرفه .. ولاظن يذكرني الى أقبلت مقفى , ماهو حبيبي مورد القلب حتفه .. ولا هو حبيبي يفرح بوقت ضعفي , مر ثمر هالليل وأمر قطفه .. يالحنظل اللي قمت اذوقه بكفي , هذا وتو الليل ماراح نصفه .. وياليل بعض اللي مضى منك يكفي ..!