|--*¨¨*--|تبكي المرأه!! فتتحطم القلوب|--*¨¨*--|

فديتك يابعد هالناس

بدم القلب وعروقه ،
معا نبضه : أنا افديك
ياأغلى من لعب فيني ..
بدوى همسه وسكاكينه

يا أصدق حس في قلبي ،
نظر عيني أنا أعطيك
وأقدم لك كثير أنواع ..
من ورد وبساتينه

بشرط : تشيل هالضيقه ،
وهالهم الذي كاسيك
وترجع مثل ماحبك :
ضحوك وواضح سينه

فديتك يابعد هالناس ..
علامه هالزعل مبكيك ؟
علامك تدمعي وجنبك "
عشيق يفتدي عينه " !

طلبتك يا أعز الناس :
تناسي همك المبليك
أو أرمي به على قلبي ،
وأنا بمحيه من حينه

عطيني همك وحزنك ..
عطيني كل مايقسيك
وأنا بستبدل عيوني
بجرحٍ "كنتي" تقسينه

جعل عيني ، وأفراحي ..
تجافي ناسها وتجيك
وكل من فكر يزعلك :
جعلها تكسر يدينه

أنا ياعمري أحبك :
من رجولك إلى عاليك
وبمشي إيدي بإيدك ..
على الحلوه وعلى الشينه

ببيع الناس ، والدنيا ،
وأشغال الزمن .. وآجيك
لأنك إنتي أحلامي ،
وإنتي "الماي والطينه"

بحبك ينعمر بيتي ..
ويكسيني فرح يكسيك
وقلبي كل مايعطش :
من عيونك بتسقينه

وأبقطف لك ورود انواع ..
وازيح الشوك عن رجليك
وقلبي كل مايكبر ..
يزيد بجانبك لينه

أنا ادري بك وأنا فاهمك ،
وعارف ساسك وتاليك
وأعرف كل مايشغلك :
فرح أو هم تبلينه

وأدري ان الزعل مني
بهالمره .. وادري فيك
وادري ان الحزن ..
اقوى من اي مره تعانينه

وادري ان المفارق صعب ،
وادري قلبك يحاكيك
"هل هو يبي حبك صدق ،
أو وده تفكينه ؟"

وأدري أنك تحبيني ..
وتخافي ابتعد وأقسيك
وأدري إنك تعرفيني :
"عشيق وأنسحر جينه"

أنا ادري بك وقلبي فيك ..
يحس بكل هم يجيك
وأنا حافظك بعروقي ،
وفي قلبي .. وتفدينه

ولكن يابعد هالروح ..
ياحلم العاشق المغليك
أبا أقلك على شي :
وابي منك تدارينه

هل ياترا معقول
بعد الحب أنا بقسيك ؟
هل ياترا معقول
بعد الشوق وسنينه ؟

وبعد أيامنا الحلوه ..
معقول أنا ببليك ؟
وأنا الذي أفدي بقلبي ،
لو كنتي تطلبينه ؟

استغفري ربك يابنت ،
أنا ماجيت لجل أرميك
ابعدي الوسواس عنك ..
واستعذي شياطينه

أنا أحبك وهايم فيك ..
وبعمري أنا أشريك
ولا يمكن أنا ابيعك ..
"أمين ويحلف يمينه"

ولكن كل ما بالأمر ..
إني عاشق ويغليك
مع الأيام زاد الحب ،
وكبرتي بسمآ عينه

وعرف أصلك ، وعرف أهلك ،
ومنهو بنته ومافيك
وعرف طيبتك ، واحسانك ،
وعفت قلبك ، ودينه

وصار بحبه مجنونك ..
وطاح بلهفته بيديك
مسحور ب 3 أسحار :
( جمال ، وعفة ، وزينة )

ومن حبه غدا يبخل ،
على نفسه غدا يبديك
ويضحي لأجلك بشرط :
.. لباس الحب تكسينه

أنا من زود عشقي لك :
عشقت أهلك مع غاليك
وعشقت الناس لي حولك ،
عشقت تراب توطينه

وترا ماجامل بقولي "
على نفسي أغير عليك"
على نفسي أغير عليك ..
ياحلم العمر وسنينه

لأنك "جوهرة روحي" :
بلمسي لك أخاف آئذيك
وأخاف اصير بك :
عاشق يخرب حبه بيدينه

واخاف اظلم ابوك
الي قضى عمره لجل يعطيك
ياكيف اظلم ابو من حبها
قلبي بشرايينه !

لازم تضحين لجله ،
ولجل الله يبارك فيك
ويعوضنا بتالي خير ..
يكسيني وتكسينه

وانا لجلك ببيع الناس ،
وأشغال الزمن .. وآجيك
وأهديلك بقايا قلب ..
يحاتيك وتحاتينه

ألا يالله صبرنا ..
بقلب خاشع ادعيك
فلا تجعل قسى هالحب ..
تهرسنا طواحينه

ألا يارب ارحمنا ،
واجمعنا بلطف ايديك
فلا قادر لها غيرك ،
خلقت الناس من طينه

حياتي يابعد هالروح ..
تركتك والقلب يبغيك
وأوعدك بلقى عاجل ،
بإذن الله في حينه

ومن هالحين لين آجيك ..
على نفسك أبا اوصيك
أمانه احفظي نفسك ..
وذكري الي تحبينه

وشوقك لي أبي يكبر ..
وأنا بشتاق وأناديك
دموع العين أنا بهدي ،
وشوقك لي بتهدينه

ابكتب لك وأجمع لك ..
من أبيات العشق وآتيك
واقدم لك وأهديلك :
من الشعر ودواوينه

واذا شفتك وزان الحظ ..
بأهديك الورد وأعطيك
بقايا قلب في يدينك ..
وأطلب منك تحيينه

وأنا بوعدك ياحلمي :
وإن طال الزمن باجيك
وأقدم لك فتايت قلب ..

تمنى يوم تحيينه

طيفك رسمته

ياغاليه كفي دموعك عن العين وخلي دموعك وأنتي بليل سهرانه
قلتي تعودت السهر وكن السهر دين و طيوف حب تزورك وانتي غرقانه
كان السهر والخوف ملازمك للحين أشريك ياقلب لك النفس ولهانه
هذا وريدي أجرحيه ونزفي الشرايين أموت بس يحيا من ضاع عنوانه
قلتي أنادي قلت من صوتك ايبين عذب الحنان ورقة الحب والحانه
طيفك رسمته مثل كحله على العين بس الغريبه اني ماميزت ألوانه
لوا كان قلبك صابه الياس الحين يموت قلبي و يحيا قلبا الحب زانه
خذي قلبا تمنى الحب لو يومين خذي جسما نزف وأنهدت أركانه
أبفرش لك صدري الحاني تتسلين يهمني دوم اني أشوف الغاليه فرحانه

ر

حـروفكـ مختلفـة عن سآئـر الحروف ...
و نبض قلمكـ يضخ حبـر الإبـدآع و الجمـآل ....
سلمـت لنـآ تلكـ الأنـآمل التي ترجمـت الإبـدآع حـرفآ ....
أنـآر اللـه دربكـ و قلبكـ على هذه الروعـة ....‏.
تقبل مروري المتواضع في طيآت متفحي كي اشكر على التواجد العطر ....
ودي و تحياتي
دمت في سماء الإبدآع نجم ...

» يابعد حي ترى بعض الصدود خبال

|--¨¨--|تبكي المرأه!! فتتحطم القلوب|--¨¨--|

فديتك يابعد هالناس