يا صاحب الحب .. خاص لزماني

تناثرت / كـل الملامـح / وانكسـر / وجـه الغـرام
ثم امتلت / كـل الشـوارع / مـن وجيهـك / أقنعـه !

وجهٍ / تناثر .مع هشيم الريـح / وجنوبـه / حطـام
وجهٍ / تبعثر / بانكسارك / وانحنـى فـي : مرتعـه !

وجه ٍ / توارى خلف / غيمـات المسـاري / واللثـام
وجه ٍ / تلاشى مع طيـوف ٍ / بالمحـاري مفجعـه !

كل المدينـة / مـن سواتـك / لفّهـا ثـوب الظـلام
ولاّ الرصيف / اللي جرحته / والمراكـب مسرعـه !!

مدري ! عيوني أجحفت ! ولا احتوى صدري غمـام !؟
ما عاد اشوف ! الا وجيه ٍ / تنكسر فـي / معمعـه !

يا صاحب الحب / الذي فيـه الهـوى حـده " كـلام "
فيك العشق / كلـه ثوانـي / وذكريـات ٍ / ممتعـه!

لو يمدحونـك / بالمثالـي / وانـك الحـر ّ / القطـام
لـو يحسبونـك / للمـلا / أسمـى دليـل ِ نتبعـه !

أنت الذي خان وتمـادى / والتحـف / ثـوب الوئـام
أنت / الذي قولـه / مبـادىء والفعايـل / تخدعـه !

منذ متى / والكذب شيمه / من شيّم / بعض الكـرام !!
منذ متى / والغـدر زاده / فـي دروبـك / أمتعـه !!

أبحرت / في لجّة عيونـك / أرتـوي منـك / الهيـام
ليت السفينة / مابحرت مـن غيـر / زاد وأشرعـه !

من يوم "انا " فتحت عيني / و " انت " لي زاد وفطام !
صعبه ! على المولود / يحيـى / دون زاد ٍ يشبعـه !

أكبر / ويكبر داخلـي / حلـمٍ ٍ علـى جفنـي / ينـام
كنّي / أسير ٍ / يحتري صبـحٍ ٍ / يناجـي مصرعـه !

" الله يعيـن " القلـب / كنـه شايـل ٍ / هـم الأنـام
من / صدمة ٍ / خلّت جروح الليـل فينـي / مبدعـه !

هزتني الدمعة / وانا اللـي لـو ذرفتـك / كـل عـام
تنثرني العبره / ووجهـك / لـو يسامـح / أجمعـه !

والحاجه / اللـي فـي يدينـك / مالهـا أي اهتمـام .
دام الحقيقـه / مالهـا فـي سـر ّ ذاتـك / منفعـه !

قبل الرحيل / استأذنـك !! فـي كلمتيـن / وباحتـرام
مدري !! على سمعك / تمر ّ ! ولا بـقلبك / موجعه !!

مدامك " انت " اللي كذا !! أجل : على الدنيـا السـلام
وكل / الوجيـه / اللـي تقابلنـي مجـرد / أقنعـه !