الصراحه

بسم الله الرحمن الرحيم


السلام عليكم و رحمة الله و بركاته

كتبت هذه القصيده لأُعلِمَ رفا بكل ما يجول في خاطري بعد فراقها لي ..

و قد احسست انها قد تشك في كلامي الذي أنا صادق(ن) فيه و اشهد ربي على ذلك ،،

فلذا بدأت قصيدة " الصراحه " بكلمة ( والله )

فوالله إني طوال عمري متأمل زواج رفا مني و طلاقها من غيري كائنا من كان

الصراحه

والله بحكي لك رفا الصراحه
بأمل طلاقك لين ما يقضى عمري
علَمني صدِك الشِعر و الفصاحه
كل ما تمنيتك بكا منك شِعري
دام الهجر يتعب و بالوصل راحه
وش حقَه فضلتي على الوصل هجري ؟؟!!
الزل هو طبعك و طبعي السماحه
لو ما اعتذرتي ؛ ارضى عنِك بعذري !!!!
كل المَحارم يا رفا لك مباحه
إلَا إنك إتساوين أحمد بقدري
يا الهب جروح القلب !! و ابرى جراحه !!
يكفي غيابك عني ؛ كم طال صبري !!!!
ما نِفعت الغارق في بحرك سباحه !!!!
فأوصى قبل موته ؛ لك الموج يجري
عل جِسمه يلقى إبمرسى حضنك مساحه
و اثره لأحمد !!!! آه من كان يدري ؟؟!!
ما كنت متوقع ؛ رفا إبذي الوقاحه !!!!
عيشتها إبجنَه ؛ و تحفر لي قبري !!!!
يا حظ أحمد بك في ليله و صباحه !!
ويا حسرتي مالي سوى طيف يطري !!!!!
كل ما تِهب ذكرى لِبستي وشاحه
و ادري وشاحه ما منع ريح ذِكري
من غيري حَبِك للجنون إبرجاحه ؟؟؟؟
محد(ن) بيقدر يا رفا عنك زجري
ما اتفه غَزَل أحمد !! و ما اسمج مِزاحه !!
حاله ترا مزري ومزري ومزري !!!!
خوفي إذا غرَد ؛ ضممتي جناحه
يخدعك لأن بك كل شي حيل مُغري
يعلن عليك الحرب و يرسل رماحه
و رمحه إذا صابك فلا طب يبري !!!!
بِيدك ضياع الحب و بيدك صلاحه
حُريتي بيدك وبيديك اسري !!
حاولت اداري شي ؛ و الشعر باحه
لو ما خمدتي ناري ؛ لا تقيدي جمري
شتان ما بين الحِسِن و القباحه
و بين حكيه لك و ما انتي تقري !!
الود ؛ أنا اشوفك و تجمعنا ساحه
تسحرني إعيونك و تنظر في سحري
هذي الحقيقه يا رفا و ذي الصراحه
بأمل زواجك لين ما يقضى عُمري


وسلامتك


بدموع قلم



محمد بوقري