بيوت كانت في ضميري

غنت طيور الجو ومعها تغنيت
قامت تبادلني لحونٍ حسينة
وكتبت معها الشعر وأبديت وأطريت
همٍ شغلني يوم طول كنينه
حمست من بن الهراري وصبيت
فنجال كيفٍ يقعد الراس زينه
فتحت باب الشعر وأعلنت وابديت
بيوت كانت في ضميري سجينه
وجبت القلم ياصاحبي واستعديت
وابدعتلي أبيات درٍ ثمينة
أمس العصر في راس مرقاب عديت
قصدي أريح خاطري من ونينة
لو بالتمني تمنيت
أعيش وسط البر وأنسى المدينة
مير الأسف مافادني قول ياليت
حيث إن روحي في المدينه رهينة
كثر المشاغل والشقاء وخدمة البيت
تجبرني أجلس في حياتٍ مشينه
حبيت شوف البر حبيت حبيت
لانه يزيل هموم فيني سكينه
يعجبني شوف الروض لامن تمشيت
شوف الطبيعة طب روحي الحزينة
كتبت بيت الشعر بيتٍ على بيت
من خاطري نضمت قافٍ رزينة

يعطيك الف عافيه

اشكركم على موركم ياقلبووووووو